IPL

IPL 2021 | IPL News, IPL Score, Updates, Squads & Results

VIVO INDIAN PREMIERE LEAGUE (IPL) 2021 KA SOOCHIPATRA

CRICKET premiyon ke liye ek badi khushkhabri yeh hai ki VIVO IPL 2021 ka soochipatra BCCI dwara ghoshit kar diya gya hai. Do saal ki badi prateeksha ke bad is bar IPL India mein hone ja raha hai. IPL ka 14th season 9th April se shuru ho raha hai or yeh desh ke 6 bade shehron  Ahmadabad, Chennai, Mumbai, Bengaluru, Kolkata, Delhi  mein khele  jayenge.

Tournament league charan ke dauran 6 bade shehron mein khela jayega halanki shuruat ke match darshakon k bina khele jayenge aur darshakon ko anumati dene ka faisla akhiri ke matches mein kia jayega. Corona mahmari k karan pichle saal IPL ke mukable UAE mein September-November ke bich kraye gye the.

Aisa mana ja raha hai ki BCCI IPL ka istemal, is saal October-November mein hone vale 20-20 world cup ke abhyas ke taur par kar rha hai aur yeh sunishchit krna chahta hai ki sabhi ehtiyat kadam sahi tareeke se apni jgha par hai.

IPL ka pehla or akhiri charan kaha khela jayega

Tournament ka pehla mukabala Mumbai Indians ka Royal Challengers Bangalore ke sath 9th April ko Chennai mein khela jayega.
Playoff aur finals Ahmadabad ke Narendra Modi Stadium mein khele jayenge.

VIVO IPL 2021 ka Soochipatra


 

Final mukabala 30th May ko Ahmadabad ke Narendra Modi Stadium mein hoga. Is tournament mein 11 double headers honge aur din k match dopahar 3:30 baje se shuru honge vahin sham k match 7:30 baje se shuru honge. Har franchise league charan mein 6 sthalon mein se 4 sthalon par khelegi. League charan ke kul 56 mukabale honge. Chennai, Mumbai, Bengaluru aur Kolkata 10-10 match ki mejbani karenge jabki Delhi aur Ahmadabad 8-8 match ki mejbani krenge.

IPL mein Neelami

Chennai mein hue IPL 14th season ki neelami ke pehle round mein 14 khiladiyon par boli lagayi gyi, jinme se adhe khiladi bike or adhe unsold rahe.

Punjab Kings ne Sabse jyada 9 khiladiyon ko khareeda, uske bad RCB, Delhi Capitals, Kolkata NightRiders aur Rajasthan Royals ne 8-8 khiladiyon ko apni team mein shaamil kiya, Mumbai Indians ne 7 khiladi chune or Chennai Superkings ne 6 khiladi chune, Sunrisers Hyderabad ne sirf 3 khiladiyon par dav lagaya. Is neelami me 57 khiladi bike.

Isi dafa IPL 2021 mein tournament ka itihas bhi racha gya jisme South Africa ke all-rounder Chris Morris ko Rajasthan Royals ne 16 crores 25 lacs mein kharida,  jisse Morris neelami itihas mein sabse jyada mehenge bikne vale khiladi bane hai. Isse pehle itihas me itni moti rakam kisi aur khiladi ko nahi mili hai.

Morris se pehle Yuvraj Singh ka naam is record mein shaamil tha jinhe 16 crore rupay neelami mein mile they.

IPL 2021 Neelami ke 5 Mehenge Khiladi

  1. Chris Morris: Rajasthan Royals ke liye INR 16.25 crore mein bike.
  2. Kyle Jamieson: Royal Challengers Bangalore ke liye INR 15 crore mein bike.
  3. Glenn Maxwell: Royal Challengers Bangalore ke liye INR 14.25 crore mein bike.
  4. Jhye Richardson: Punjab Kings ke liye INR 14 crore mein bike.
  5. Krishnappa Gowtham: Chennai Super Kings ke liye INR 9.25 crore mein bike.

Corona ke is bure waqt mein VIVO IPL 2021 ke hone vale damdaar mukable ko ghar baithe dekhiye aur swasth rahiye. Soochipatra download kijiye aur apne pasandida team ko cheer kriye. Apka pyar our vishwas hi khiladiyon ko jeetne ki himmat deta hai.

 

 

 

 

Leave a Reply

Your email address will not be published. Required fields are marked *